Fjørfedag i september 2000 i Vårdal, Askvoll

Den 3 september 2000 skipa Sogn og Fjordane Fjørfeklubb i samarbeid med Helle og Vårdal Bygdelag, fjørfedag med amatørutstilling og føredragshalding. Vêret viste seg frå si beste side og dei 15 hønserasane (bl.a. brahma, sussex, vorwerk, legbar), endene, gjessa, vaktlane, fasanane og kalkunane skein så flott at kvar ein mann måtte bli freista til å byrje med fjørfehald. Bura vi brukte til dyra var revebur og sauenetting.
Dagen vart godt dekka av ikkje mindre enn 4 aviser, og oppslutnaden var god. Ikkje mindre enn 200 stykk tok turen til den vetle bygda denne flotte dagen i september! Samtidig fekk vi i fjørfeklubben reklamert litt, og t-skjortene med vår logo gjekk unna, nokre slantar i klubbkassa vart det jo då.

Føredraget er i full gong!

Det er utruleg å sjå kor mange nye medlemmar ein får på slike dagar og vi fann ut at dette skulle bli ein årleg tredisjon, for på slike dagar får ein både spreidd hobbyen og sjansen til å tene nokre kroner!

Fjørfedag på Hafslo juni 2001

Den 16. Juni hadde Sogn og Fjordane Fjørfeklubb nok ein gong gleda av å arrangere fjørfedag. I år hadde vi valt oss ut ei sentral jordbruksbygd i Sogn, nemleg Hafslo. Vi var så heldige og hadde alliert oss meg den lokale 4H klubben, noko slikt er heilt naudsynt dersom ein skal ha ei slik tilstelling ein plass utan fastbuande eldsjeler. 4H klubben sto også for kafè-drifta.
Kl. 12:00 opna "dørene" og store og små kom frå fjern og nær for å ta dei flotte fjørfea i nærare augesyn. Desse rasane hadde vi stilt ut; Gul Orpington, Svart Australorps, Svart og Blå Jersey Kjempe, Lys Sussex, Brun Italienar, Kvit Brahma, Mørke Jærhøns, Gullhalsa og Legbarfarga Hollandsk Dverg, Svart Orpington dverg, Kocin dverg i ymse fargar, Fotbefjøra Dverg (mille fleur), Mørk og Lys Euro-vaktel, Viltfarga Rouen-and + masse kyllingar og andungar.

 
"Gjett-vekta på hanen"

Planen var også å halde eit lite foredrag om fjørfehald, men grunna det flotte været og det at det var så mykje ungar der, avlyste vi det, folk fekk hjelp og svar på spørsmåla sine likevel. Vi hadde eit bord ståande med ymse info om klubben/foreininga og t-skjorte sal. Ei populær tidtrøyte var konkurransen "gjett-vekta-på-hanen!". Her fekk vi inn ei god slump på loddtakinga!  

Både store og små koste seg, sjølv
om nokre kyllingar kanskje fekk litt
vel hard medfart......

Oppmøtet på denne dagen var ikkje av det heilt store i forhold til Fjørfedagen vi hadde i Ytre Sunnfjord i fjor. Dette kan nok forklarast med at det i år var eit stort arrangement, Lærdals-marknaden, nokre mil unna. Dette "stal" nok litt besøkjande frå oss. Men likevel; været og stemninga var av alle beste sort. Likesinne prata seg tørre og folk fekk utveksla erfaringar. Meininga med ein slik dag er jo å samle fleire fjørfeinteresserte og det lykkast vi jo så absolutt i!