Innhald:

• Nye avdelingar
• Vedtekter for Solvang barnehage
• Verdidokument
• Omsorg, leik og læring
• Planleggingsdagar
• Lavvuen
• Kvalitetssatsing
• Brukarundersøkinga 2006
• Årsplan 2007
• Arkiv

Nye avdelingar

Frå nytt barnehageår startar barnehagen opp ei gruppe for dei eldste barna.Denne gruppa skal ha natur og fysisk aktivitet, som satsingsområde. Det er Ann Britt Ålen, som skal vere pedagogisk leiar, og den skal ha base i nye lokaler i det som no er garasjer under barnehagen. Gruppa skal heite Tarzan.

Ei anna gruppe, som skal starte opp er ei småbarnsavdeling (det vil seie 0-2 år). Her er Gudrun Oltedal tilsett som pedagogisk leiar. Avdelinga skal flytte inn i ei av leilegheitene i sokkelen til barnehagen, og den skal heite Trampe.

Vedtektene for Solvang Barnehage er lagt ut på nettsidene

Vi har no lagt ut dei fullstendige vedtektene for Solvang Barnehage. Dette er eit dokument i PDF- format som kan lastast ned og opnast i programmet Adobe Acrobat Reader.
Dette programmet er gratis.

Verdidokument

Visjon:
Kvaliteten ligg i møtet

Kva seier rammeplanen om personalet si rolle i barnehagen?

1. Alle barn skal få høyre noko positivt om seg sjølv kvar dag
- Dagleglivet i barnehagen skal vere prega av samvær som inneber at personalet lyttar til, støttar og utfordrar barna

2. Vi skal møte alle barn og foreldre med respekt og forståing
- For at barn skal kunne medverke, må det vere god kommunikasjon mellom barna og personalet og mellom personalet og foreldra
- Personalet har ansvar for å gje foreldra nødvendig informasjon om og grunngjeving for barnehage verksemda og invitere til medverknad
- Personalet må arbeide for å finne balansen mellom respekt for foreldra sine prioriteringar og det å ta vare på rettane til barna og dei grunnleggjande fellesverdiane som barnehagen byggjer på.
- Personalet i barnehagen må kunne grunngjeve verdimessige standpunkt knytte til oppseding ovanfor både seg sjølve og foreldra
- Å møte foreldre frå ulike kulturar, både innafor det norske samfunn og frå andre land, krev respekt, vilje til å lytte og innsikt. Det krev at personalet er beviste og tydelege i yrkesrolla og trygge på sin eigen kompetanse

3. Det einskilde barnet skal oppleve at det har plass i fellesskapet
- Personalet skal rettleie barn i deira veksling mellom samfunnets normer og sosiale krav og eigen veremåte
- Personalet har ansvar for at alle barn uavhengig av funksjonsnivå, alder, kjønn og familiebakgrunn, får oppleve at dei sjølve og alle i gruppa er viktige personar i fellesskapet
- Personalet skal hjelpe barna til å forstå at eigne handlingar kan gå utover andre. Ikkje alle haldningar er akseptable

4. Barnehagen skal vere ein stad der barna leiker, lærer og får omsorg
- Personalet må vere tydelege modellar og bevisste på sitt eige kulturelle og verdimessige ståstad
- Vi vaksne har omsorgsforplikting d vil seie at vi må vere lyd høyre, vise nærleik. Innleving og evne til samspel
- Personalet må vere tilgjengeleg for barn, ved å støtte, inspirere og oppmuntre barn i deira leik
- Personalet i barnehagen må ha eit aktivt forhold til barns læreprosessar

5. Personalet skal vere lydhøre overfor barna sine behov i alle situasjonar
- personalet må reflektere over sine eigne haldningar og kva samfunnet forventar av gutar og jenter
- Eit aktivt og tydeleg personale er nødvendig for å skape eit varmt og inkluderande miljø
- Personalet må lytte og prøve å tolke kroppsspråket og vere oppservant i forhold til haldningar, det estetiske uttrykket og etter kvart òg det verbale språket
- Personalet må vere opne for å reflektere over eigne holdningar og handlingar

6. Barnehagen skal skape gode rammer der barna får oppleve meistring
- Personalet må medverke til at individualiteten til kvart enkelt barn og behovet for sjølvutfolding kan skje innafor trygge rammer og normene og reglane i fellesskapet

7. Møte mellom personalet og barna må føre til at dei vert trygge i barnehagen
- Personalet er rollemodellar og har dermed eit særleg ansvar for at verdigrunnlaget til barnehagen blir etterlevd i praksis. Refleksjon over eigne verdiar og handlingar bør inngå i dei pedagogiske drøftingane til personalet
- Personalet må møte barn på ein måte som formidlar respekt og aksept, tillit og tiltru. Synet på barn og barndom får konsekvensar for korleis personalet forstår medverknaden til barn
- Barna må erfare tydelege og ansvarsfulle vaksne som tek omsyn til heile gruppa

Solvang barnehage sitt syn på omsorg , leik og læring

Kva legg Solvang barnehage i omgrepet omsorg?

• Barnet skal få eim positiv kommentar, bli lytta til og føle seg verdifull
• Barnet skal bli tatt imot slik at det føler seg velkomen
• Barnet skal få mat, kvile, tørre kle og trøst

Kva legg Solvang barnehage i omgrepet leik?

• Leik er lystprega aktivitetar som skaper meistring, sosial kompetanse og venskap
• Gjennom leik utforskar, uttrykker og gjennomarbeidar barn tankar og kjensler
• Leik er kreative og estetiske aktivitetar som overfører barnekulturen sin humor og tradisjon

Kva legg Solvang barnehage i omgrepet læring?

• Læring er å ta vare på det barnet er interessert i og samstundes skape interesse for nye ting
• Læring skjer i samspel med andre menneske
• Læring skjer gjennom å vere med i daglege gjeremål, få prøve sjølv og meistre
  

Planleggingsdagar 2008

Onsdag 2. januar og fredag 2.mai er sett av til planlegging. Då er barnehagen stengd.

Lavvuen

Lavvoen står i skogen. Ta kontakt om de vil ta ein tur til den utanom opningstida til barnehagen.

Kvalitetssatsing

KVALITET OPPSTÅR I MØTET - møte mellom barn, - mellom personalet og barn, - mellom personalet og foreldra.

Kari Pape seier det slik: " Hvordan vi mnsk. omgås hverandre, hvordan vi opplever oss selv i samspill med andre, og hvordan andre opplever seg selv i samspill med oss, måten vi kommuniserer på, og hvordan vi er som modeller for barn, er noe av det viktigeste i verden!"

Vår kvalitetsatsing vert å satse på personalutvikling. på personalmøta vil vi lese boka til Kari Pape og gå gjennom sentrale spørsmål som a. Vaksnes syn på barn og barndom. b. Barnas føresetnader, ønskjer og behov. c. Dei vaksne i barnehagen. d. Foreldra sine foresetnader og forventningar.

Brukarundersøkinga 2006

Svar på undersøkinga:

Svara vart gitt i ein skala frå 1-6, der 1 var svært miss nøgd og 6 var svært nøgd.

Resultat for brukerne: 5,1

Trivsel: 5,1

Brukermedvirkning: 5,2

Respektfull behandling: 5,7

Tilgjengelighet: 5,3

Informasjon: 5,3

Fysisk miljø: 4,1

Generelt: 5,1

 

Årsplan 2007

Solvang barnehage har vid praktisering av den kristen formålsparagrafen. Det tyder at vi byggjer vårt arbeid på dei kristne grunnverdiane, som nestekjærleik, tilgjeving, menneskeverd, likeverd, ansvar for fellesskapet, ærlegdom og rettferd.

Vårt verdisyn er: ”Gud er skapar. Menneske er skapt av Gud og i Guds bilete. Kvart menneske er difor uendeleg verdifullt uavhengig av prestasjons- og funksjonsevne. Å realisere eit kristent menneskesyn handlar om balansen mellom barnet sin rett til å utfalde seg sjølv og samtidig ta del i fellesskapet”

Verdisynet skal vere som eit fundament i alt arbeidet som vi gjer i barnehagen. På den måten vil dei kristne verdiane prege både kortsiktige og langsiktige tema. Eit tema er fargane og tekstane i kyrkjeåret. I Kyrkja brukar dei fargar,
som skiftar etter kva tema tekstane handlar om.
Fargane er grønt, som tyder så og arbeidstid,
lilla er førebuingstid, kvit er fest og raudt er
glød og glede. På avdelingane er der eit
temabord med duk i den fargen som månaden har.
På bordet vil det av og til vere ein gjenstand,
som viser til temaet barna får høyre om.
Tekstane byggjer både på bibelforteljingar og eventyr.